Сэтгэлийн гүнд хөндүүрлээд, хөндүүрлээд л

Сэтгэлийн гүнд хөндүүрлээд, хөндүүрдээд л

Магадгүй......би

     Магадгүй......би

Диваажин тийш  би 25 жил алхлаа
Дэндүү удаан байна уу....гэхдээ дахиад л алхана
Мартагдсан бүхнээ ирээдүйгээс хайсаар
Магадгүй мянган жил ч алхаж мэднээ

Маргалдаж... мөнх бусын хуультай үл эвлэрнэ
Мартагдаж ...мөнх бусын хуульд захирагдана
Маргаашаар л амьдарч өнөөдрийг гомдооно
Мананд төөрсөн ч  замаараа л алханаа

Хуурамчид хууртан хуурамч болоход
Хувираагүй үлдсэн сэтгэл хэнийх болхыг мэднэ
Худалтай үгсэж үнэнийг бүтээнэ
Хувь заяандаа дасаж хорвоогийн хэсэг болноо

Хийсвэр гунигаас бодит нулимсийг олж үзнэ
Хийгээгүй бүхнээс алдаагаа олж харна
Хэн ч биш мөрөөдлийн бүсгүйд дурлаж
Хэдхэнээр тоологдох залуу насаа үрнэ

Цас, бороо, ододтой ярилцан суугаад
Цаас дэрлэж шүлэг тэрлэнэ
Цаашаа наадах чинь дэмжигдэхгүй гэх хүмүүсийн үгэнд
Цаг хугацаагаар хэмжигдэхгүй ээ гэж өөрийнхөөрөө хариулна

Магадгүй би маргааш дахиад төрөхгүй
Магадгүй би цорын ганц хувь
Магадгүй би өөрийнхөө орчлонд төрсөн
Магадгүй би өөрийнхөө орчлонд үхнэ

Г.Гантулга

Би чинийхээ төлөө цас болон будрая

  Би чинийхээ төлөө цас болон будрая

Би чиний сормуусан дээр тогтсон цас болъё
Биеийн чинь дулаан, сэтгэлийн чинь халуунд хайлъя
Битүүхэн уйлсан гомдлын нулимстай чинь цуг
Би чиний шаналал болж урсая

Өчигдөрт би дургүй ээ.....маргаашийг ч бас хүлээхгүй
Өнөөдөр л би гунигаа тайлж
Өвөрт чинь цас болон хунгарлая
Өөр хэний ч биш......миний л төлөө  
Өр зүрх чинь цохилхийг мэдрээд .......үхэе

Будрах цасан дунд уруул чинь ямар амттай 
Будрах цасан дунд чинь нүд чинь ямар хөөрхөн
Би тийм жаргалтай.........би ийм гунигтай
Би нулимсгүй  атлаа цагаан гунигтан......
Бишгүй дээ л нэг дурласан ....хайрын гэмт хэрэгтэн

Би тэгвэл                             
Цав цагааахан цас болон бударч
Цаг хугацааг ариутган шүүе
Цаашлан одох залуу наснаасаа
Чамайгаа хулгайлан өнөөдөр жаргая

Би тэгвэл
Хагацлын замыг 
Хааж  буусан цас болъе
Харамслын нулимсийг 
Халхалж бударсан цас болъё

Би тэгвэл цас болъё
Чинийхээ л өмнө  ус болон хайлъя

                        Г.Гантулга