Нэг л ...

За өнөөдөр чинь жаахан тиймхэн өдөр байх чинь :(. Ажлын ачаалал, судалгааны ажил хийх, шинэ жил гээд олон юм давхцаад.  Байгууллагын шинэ жил болно, болохгүй гэж байгаад болохоор болсон чинь манайхан орохгүй гэнэ. Ганцаараа догдолчиж.  Маргааш шинэ жилийн үдэшлэг дээр албанаасаа ганцаараа :(. Шарандаа сайхан баярлана даа гэж бодож байгаа ч яалт ч үгүй урам хугарчихлаа. Маргааш сэтгэл санаа минь дээрдэх байх гэж найдъя.

Асар их тэвчээрийн цаана амжилт дөнгөж цухуйдаг

За амралтын өдрийн мэндийг өөртөө хүргэе. Хэхэ угаасаа анхнаасаа өөртөө зориулж нээсэн чинь.  Өөр хүн уншдаг ч юм уу бүү мэд хэхэ.  Энэ амралтын өдрүүдэд сагсны тэмцээн гээд магистрын ажлаа жаахан цалгардуулах нь. Гэхдээ амралт дуусах болоогүй байгаа учраас chance байнаа. Цаадах чинь facebook-ээ хаачихсан, харин твитерийн фен болсон гэж байгаа. Мундаг хүмүүсийн бодож санаж байгааг уншихад яагаад ч юм өөрийгөө голох, улам хөгжүүлэх бодол өөрийн эрхгүй төрдөг. Уул нь ном унших дуртай л даа. Гэхдээ цаг гардаггүй гэсэн шалтгаанаар уншихаа байсан байж. Одоо цаг гаргаад ном уншдаг байх, өөрийн үзэл бодлоо илэрхийлдэг байх нь чухал болохыг улам л ойлголоо. Гэхдээ бас fb-ийн хэдэн найзуудаа санаж байгаа, ормоор байгаа боловч "Цаг бол алт" гэдэг үгийг санахаараа гүрийгээд байгаа. хэхэ.  Судалгааны ажил маань бага багаар явж л байгаа.  Амжилт :)
Өөртөө хэрэгтэй гэсэн хэдэн үийг нэг мундаг твитерчин охины блогоос хусчихлаа :D

1. Цагт хайр гамгүй хүн амжилтын галт тэрэгнээс хоцордог 
2. Ирээдүй мөрөөдөлдөө итгэгчдийн гарт байдаг 
3.  Амжилтын нууц өөрт тулгарсан асуудалд эзэн болоход оршино 
4. Хэрэв хийх зүйлээ төсөөлж л байвал чи түүнийгээ хийж чадна
5. Энэ өдөр хөдөлмөрлөөгүй бол маргааш гайхамшиг болно гэж хэзээ ч байхгүй
6.  Цагийг хий дэмий vрэгчид л өдрийн богинохонд гоморхож суудаг 
7. Жинхэнэ амжилт бусдыг ялснаар биш, гагцхүү өөрийгөө ялснаар ирдэг
8. Амьдрал сул дорой хүнийг өчүүхэн ч өрөвддөггүй 
9. Гүйцэтгэх чадваргүй" хүн амжилтанд хүрсэн нь үгүй
10. Өнөөдөр хийх ёстой ажлаа маргааш гэж бүү сунга
11. Бүх хармын дотроос цагт харам байхыг л ганцхан магтаж болох юм

Шинэ ном

Замаа олохгүй,  амьдралд эргэлзсэн үедээ ном нь унших хамгийн зөв гарц байдаг гэж би боддог. Саяхан хэд хэдэн ном шинээр худалдаж авлаа.
Аз жаргалын арвах нууц, хайрын арван нууц, хайртай зохиолч А.Дюмагийн "Хорин жилийн хойно" гэх мэт. Зав гарахгүй байгаа болохоор өдөрт 4-5 хуудсыг л уншиж байна. Өнөөдөр амралтын өдрөө ажиллан байгаа боловч цаг гарган хайрын арвах нууц номыг уншиж байна.
Энэ номонд нэгэн залуу дорнын өвгөнтэй учирснаар хайрын нууцуудын талаар мэдэж байгаа тухай гардаг.

1. Эхний нууц-Бодлын хүч

Жинхэнэ хайрын анхдагч нууц нь бодол санааны хүч болно. Хайр бодлоос эхэлнэ. 

Бодлын маань эзэмдэж байгаа зүйл биднийг тодорхойлж байдаг. Хайр дүүрэн бодол санаа нь хайр дүүрэн амьдрал, хайр дүүрэн харьцааг бий болгоно. 

Эерэг нотолгоонууд өөрийн болон бусдын хадгалж явдаг итгэл үнэмшлийг өөрчилнө.

Хэн нэгнийг хайрлахыг хүсч байвал түүнийхээ хүсэл, хэрэгцээг анхаарч үзэх хэрэгтэй. 

Заяаны ханийн тухай тотглон сууж бодох нь улзах үедээ түүнийгээ олж танихад тусална. 

Миний хувьд .... 

Бодол санаа биднийг тодорхойлж байдаг гэдэг нь маргаангүй үнэн. Би байнга тодорхой зорилгууд, ажлууд бодож явдаг хүн. Тиймдээ ч захим хүн намайг хэнхэг, ажлаас өөр зүйл боддоггүй гэж дүгнэдэг байж магадгүй.  Заримдаа ганцаардаж хэн нэгнийг үгүйлдэг ч үүнээс гарах арга замын тухай бодож байсангүй. Өөрийгөө ур чадвар, бүтээлч байдлаар бусдад харуулахыг хүсдэг бол гоо үзэсгэлэнгээрээ гайхагдахыг хүсдэггүй хүн юм шиг. 

Хэн нэгэн амьдралд маань орж ирээд анхаарал халамж тавиад эхлэхээр би зугтааж эхэлдэг. Миний цаг хугацаанаас хороож байна, бусад хүмүүс юу гэж бодох бол, энэ хүн надад тохирохгүй, би шархлаад үлдэх вий гэсэн сөрөг бодлууд тээсээр хэн нэгнийг хүлээж авдаггүй байжээ. Одооноос бодлын хүчинд итгээд сайн сайхан бодлуудыг үргэлж бодож байхыг хичээнээ.  

Жишээ нь: Би гоо үзэсгэлэнтэй, сайхан бүсгүй.  Намайг миний эргэн тойрны олон хүн хайрладаг бөгөөд би ч тэднийгээ хайрлаж чаддаг. Миний жинхэнэ хайр намайг хайсаар байгаа, би түүнийгээ над дээр ирхэд нь таниж чадна гэх мэт хэхэ

Үнэнийг хэлэхэд заяаны ханийхаа тухай нэг ч удаа тогтон бодож байсангүй.  Түүнийгээ танихын тулд ямархуу хүн байх талаар бичиж үзье :)

 -Өндөр, нүдэнд дулаахан, даруухан харцтай залуу

-Хүүхдэд хайртай, ахмад хүмүүсийг хүндэлдэг

-Аливаа зүйлд өөрийн гэсэн үзэл бодолтой, түүндээ бат бөх 

-Сайхан гэр бүл, сайн найз нөхөдтэй

Өөдрөг өдрүүд.......

Ажил төрөл маань бүтэмжтэй сайхан байнаа. Цалин маань нэмэгдсэн. Томилолтоор эрдэнэт хот руу яваад ирсэн. Сайхан хот, сайхан хүмүүс...

Бас хамгийн хайртай намрын улирал... налайгаа л .......
Энэ жил нэг том зорилго тавьсааан.  Магистраа заавал төгсөнө.

Хичээх үлдлээ :)

Гоё үг.

Хамт амьдарч чадах хүнийг биш
Хамт амьдрахгүй бол амьдарч чадахгүй хүнийг сонго гэнээ :)

Life is not finding yourself, Life is creating yourself..

I can ...

Хичээвэл бүтэхгүй зүйл байхгүй, тиймээс өөрийнхөө чадах бүхнийг хий. Боломж чиний өмнө үргэлж нээлттэй байдаг бөгөөд түүнийг зөвхөн ашиглах хэрэгтэй. УРАГШАА :)

“Чи эсвэл анхдагч, эсвэл цор ганц, эсвэл хамгийн шилдэг нь байх ёстой”

Иванка Трамп-Гоо үзэсгэлэн, оюун ухаан, эрч хүч, нууцлаг, эрхэмсэг....

Сайхаан сайхан

Хүн бүр давтагдашгүй, үзэсгэлэнтэй, ямар сайхан зан, чанартай байдаг.  Би ч бас :)
Амьдрал сайхан бүхнээр дүүрэн бөгөөд түүнийг гол нь МЭДРЭХ л хэрэгтэй.
Сайхан дуу сонсоод аз жаргалыг мэдэрцгээеэ :Adele One and only)

Яг энэ өдөр амьдарсан шиг амьдар

Яг энэ өдөр
Ажилласан шиг ажиллаж
Амарсан шиг амарч
Хайрласан шиг хайрлаж
Эрч хүчтэй, өөртөө итгэлтэй, ухамсартай, өөрийгөө бас бусдыг хайрлана

Удахгүй ээ. Бороо удахгүй орно. Чи минь ч бас над дээрээ ирнэ бороотой цуг....

Чамайг зүгээр л харахыг хүсдэг 
Хармагцаа
Чамд зөвхөн нэг хуруугаа хүргэмээр санагддаг
Хүргэмэгцээ
Чамайг зүгээр тэвэрье л гэж боддог
Тэвэрмэгцээ
Чиний уруулыг ганц л амсья гэж боддог
Амсмагцаа
Одоо ингээд хамтдаа , зүгээр л тэврэлдээд
Оройжийн, шөнөжин бүхнийг ярина даа л гэж боддог
Бодмогцоо
Яагаад нэг ч үг хэлж амжаагүйдээ гайхдаг

2008.10.13 Л.Өлзийтөгс.

Тайвшруулах, догдлуулах, эрч хүч бэлэглэх гайхамшиг. Энэ бол дуу хөгжим kkk

Хамгийн дуртай монгол дуу :)

Шүүмжлэл ба сайшаал

За одоо өөрийгөө жаахан шүүмжлээдхэе.  Яагаад гэж үү. Хүн өөрийнхөө дутагдалтай талаа олж харж байж л түүнийгээ хэрхэн засаж залруулах вэ гэдгээ мэднэ. Мэдээж дараа нь өөрийгөө магтана. Ойлгомжтой байхын тулд  дугаарласан дээр байх.  хэхэ

1. Уулгамч зан-Хэн нэгэн энэ үнэхээр дажгүй, ийм юманд ч сайн, тийм юманд ч сайн гээд магтаад эхлэнгүүт л шүүрээд авчдаг зан. Түрийвчинд хэдэн төгрөг байгаагаа, өөр ямар ажил төлөвлөснөө мартаж орхидог. хммм Энэ зангаасаа болж ихэнхдээ буруу сонголт хийж, эвгүй байдалд ордог
2. Мартамхай зан - Ядаж би мартдаг шүү гээд тэмдэглэж авсан дэвтрээ хаана хийснээ санахгүй үе ч  гардаг. Арай ч дээ. Энэ ой тогтоолттой холбоогүй харин цэвэр хувийн зохион байгуулалттай  холбоотой зүйл. Хэрвээ ой тогтоолттой холбоотой байсан бол 2-р ангид цээжилсэн шүлгээ өдийд мартах л байсан.
3. Үгүй гэж хэлдэггүй зан- Миний биш асуудалд аль хэдийн  өөрийгөө хутгачихсан байдаг.
4. Жаахан ярвагар юм шиг- Уул нь өөрийгөө тийм хүн гэж боддоггүй байсан. Байнга инээд алдаа л явж байдаг юм шиг санадын kkk. Гэтэл саяхан өөрийнхөө нэг бичлэгийг олж үзлээ. Хммм нэг л их ярвайсан, уруу царайлсан хүн. Ийм хүнтэй харилцахад таагүй байдаг. Өөдрөг, эрч хүчтэй байна шүү! Хүмүүстэй харилцахдаа нүүрний хувирал дээрээ анхаарах ёстойгоо ойлгосон.
5. За бас сүүлийн үед маш их залхуурч байна. Хаанаас ч юм ямар нэг  шалтгаан гаргаж ирээд залхуурч байна. Ингэж болохгүй ээ.  Энэ байдал удаан үргэлжилбэл юу болохыг төсөөлж ч чадкуу байна. Тиймээс яг одоо таслан зогсоо. Би цалин авч байгаа байгууллагын ажилтан, сурч боловсрох ёстой оюутан, өөрийгөө хөгжүүлэх ёстой залуу хүн.
6. Өөртөө итгэлгүй байдал буюу бусад хүнийг өөрөөсөө илүүд үзэх хандлага
Би өөрийгөө хүндлэхгүй бол хэн ч намайг хүндлэхгүй.  Би бас чухал хүн гэдгээ сана.
7. Юмыг дуусгалгүй орхидог. Заавал дуусгаж үр дүнг нь амталж байвал сайхан биш гэж үү. Үр дүн нь амжилтгүй байхаас айдгаас болоод дуусгадагүй. Үлгэрт л бүх зүйл сайхан төгсдөг. Сайн ч бай муу ч бай аливаа ажлыг дуусгаж баймаар байнаа. Өөрийнхөө чадах бүхнийг хийж үр дүнг нь хүлээн зөвшөөр.   

За одоо өөрийгөө магтанаа. 
 1. Сайшаал магтаал, шүүмжлэлийг зөвөөр хүлээж авдаг 
2. Цөөхөн ч чанартай найз нөхөдтэй. Тусархуу 
3. Эцэг эхээ хүндэлж хайрладаг. Дүүгээ сайн ойлгодог. Хамаатан садандаа халамжтай, нэр хүндтэй
4. Хийхийг хүссэж зүйлдээ цаг зарцуулахдаа сайн шөнөжин суусан ч чадна.
5. Байгаа нөхцөл байдалдаа гомдоллодоггүй.  Хотын захад амьдардаг,  хол зам туулдаг гэж  биш харин ч англи хэлээ давтах цаг гардаг гэж хүлээж авдаг.
6. Бүжгийн хичээл, спортоор хичээллэх, гоо сайханд орох гэх мэтээр өөртөө анхаарал аль болох их тавихыг хичээдэг.
7. Хэрэггүй гэж бодсон зүйлээ орхиж чаддаг. Хэрэгтэй зан шүү. Гэхдээ аар саархан зүйл дээр л үгүй гэж хэлж чаддаггүй, өөртөө ажил нэмээд байдаг.
8. Өөрийгөө дөвийлгөх дургүй
9. Хүн сайн танидаг
10. Хүмүүстэй сайхан харилцаж, тэдний итгэлийг даахыг хичээдэг

Хүслийн самбар

"Нууц" гээд алдартай ном байдаг даа. Хүн авахыг, хийхийг хүссэн зүйлээ байнга сэтгэлдээ ургуулан бодож төсөөлж байвал тэр нь таталцлын хуулиар хэзээ нэгэн цагт биелдэг гэдэг. Тиймээс хүслийн самбараа үүсгэхээр шийдлээ.

Миний хамгийн их хүсэж байгаа зүйлс буюу миний хүслийн самбар

1. Шилдэг мэргэжилтэн болох
Өөрийгөө байнга хөгжүүлдэг, байнга бусдаас нэг алхам өмнө алхдаг, алсын хараатай, туршлагатай мэргэжилтэн болох

2.  Гоо үзэсгэлэнтэй, ухаалаг, хүчтэй, ихэмсэг, бардам, нууцлаг, өөртөө итгэлтэй,  дэгжин, өрөвч зөөлөн, сайхан ааш зантай нэг үгээр хэлбэл жинхэнэ элегант бүсгүй байх яг л Иванка трамп шиг ":)

3.Англиар чөлөөтэй ярьдаг болно. Яагаад гэвэл би  хүсэж байна.

4. Магистраа амжилттай төгсөх- Зүгээр л нэг дипломын ажил биш жинхэнэ проблем шийдсэн, чанартай диплом хиймээр байна. 

5. Үнэхээр сайхан хайртай учрах- Намайг чин сэтгэлээсээ хайрладаг, би ч бас ухаангүй хайртай. 

Мэдээж өөр мааш олон хүсэл байнаа. (Гадагшаа явж сурах,  орон сууц, гэр бүл гээл kkkk ) Гэхдээ яг одоогоор хамгийн их хүсэж байгаа нь эдгээр 5 зүйл.  Дараа магадгүй өнөөдөр, маргааш, нөгөөдөр, хагас жилийн дараа, жилийн дараа арай өөр зүйл хүсдэг болох байх. Тэр үед миний хүслүүд бүгд биелэсэн байх болтугай.  Тэр үед хүслийн самбараа шинээр хийнээ :)